Tramp: AQShning Yaqin Sharqdagi ittifoqchilari Eron blokadasi davom etishini istamoqda
Vashington bilan hamkorlik qiladigan Yaqin Sharq mamlakatlari Eron blokadasi davom etishini yoqlamoqda. Bundan tashqari, ularning fikricha, blokadani dengizdan quruqlikka ham kengaytirish kerak. Bu haqda AQSh prezidenti Donald Tramp seshanba kuni, 10-noyabrda maʼlum qildi.
U Truth Social ijtimoiy tarmogʻida Qatar, Saudiya Arabistoni, Birlashgan Arab Amirliklari, Bahrayn, Quvayt va yana bir qator davlatlar amaldagi vaziyatni saqlab qolishni maʼqul koʻrishini yozdi. Amerika rahbarining soʻzlariga koʻra, ular Tramp tarixdagi eng yirik deb atagan dengiz blokadasini AQSh bekor qilmasligiga umid qilmoqda. Bundan tashqari, hamkorlar Eronni quruqlikdan ham bloklashni nazarda tutuvchi yangi «Temir darvozalar» operatsiyasini qoʻllab-quvvatlamoqda.
Bu bayonot Trampning Oq uyda Qatar bosh vaziri Muhammad bin Abdurrahmon Al Tani bilan uchrashuvidan bir necha soat oʻtib yangradi. AQSh prezidenti muzokaralarni aʼlo deb atadi.
Qatar Vashington va Tehron oʻrtasidagi mojaroni hal etishda vositachilik qilmoqda.
Yana oʻqing
Varshavadagi «mustaqillik marshi»ga 250 000 kishi yigʻildi, yurishga Navrotskiy ham qoʻshildi
Siyosat12-noyabr, 14:44
Eron bilan urush atrofidagi noaniqlik fonida Yevropada gaz narxlari oshdi
Siyosat12-noyabr, 12:25