Xakim Jeffris: Demokratlar Hegsethga impichment jarayonini boshlashga kirishadi
Oraliq saylovlardan keyin AQSh Kongressining har ikki palatasida koʻpchilikni qoʻlga kiritgan Demokratik partiya mudofaa vaziri Pit Hegsethga impichment eʼlon qilishga erishishga harakat qiladi.
Bu haqda Vakillar palatasidagi demokratlar yetakchisi Xakim Jeffris maʼlum qildi. Kutilishicha, yanvar oyida Kongressning yangi tarkibi yigʻilgach, u palata spikeri boʻladi.
Jeffris ABC telekanali efirida Hegsethni vakolatini suiisteʼmol qilishda, milliy xavfsizlikka zarar yetkazishda va Eron bilan keraksiz urush boshlashda aybladi. Siyosatchining soʻzlariga koʻra, vazir isteʼfoga chiqishi kerak.
Pentagonda esa qonun doirasida ish olib borilayotgani, «uydirma tekshiruvlar» Hegsethni choʻchitmasligi aytildi. Donald Tramp CBS telekanaliga bergan intervyusida impichmentga urinishni adolatsiz deb atadi va AQSh Venesuela hamda Erondagi har ikki urushda gʻalaba qozonganini eslatdi.
Yana oʻqing
Varshavadagi «mustaqillik marshi»ga 250 000 kishi yigʻildi, yurishga Navrotskiy ham qoʻshildi
Siyosat12-noyabr, 14:44
Eron bilan urush atrofidagi noaniqlik fonida Yevropada gaz narxlari oshdi
Siyosat12-noyabr, 12:25